Солтүстік Қазақстан облысы бойынша «Рухани жаңғыру» бағдарламасы және «Туған жер» арнайы жобасы негізінде білім беру мекемелерінде мұражай ісін дамыту тұжырымдамасы аясында биылғы жылы Қызылжар аудандық білім бөлімінің қаржыландыруымен біздің «Парасат» мектебімізде тарихи- өлкетанулық мұражай ұйымдастырылып, 29 қыркүйек күні ашылу рәсімі өтті. Мұражай Қызылжар өңірінің көне кезеңінен бүгінгі күніне дейінгі тарихын және атақты тумаларының өмірбаяндарын қамтиды. Мұражайдың құрылуына мектептің барлық ұжымы, оқушылары және ата – аналар қауымы белсенді атсалысты. Мұражайымыз ашылғалы танымалдығы артып, Бескөл ауылының және Қызылжар ауданының жұртшылығы қызығушылық танытуда. Мектеп мұражайларының өскелең ұрпақтың патриоттық тәрбиесінде үлкен орын алатынын ескерсек, біздің «Парасат» мектеп лицейінде бүгінде ашылып жатқан мұражайдың да тәрбие ісінде үлкен бастама болатынына кәміл сенеміз.
Жаңалықты мекеменің сайтында қарау
