1- қыркүйек "Білім күніне" орай тәрбие сағаттары өтті.
2020 жылдың бірінші қыркүйегі Бескөл ауылының «Парасат» мектеп – лицейінде оқу жылының бастамасы - білім күні мерекесіне байланысты сынып сағаттары өтті. Биылғы білім күніне арналған сынып сағаттарының ерекшелігі 1-4 сыныптарының бір бөлігі қашықтықтан, енді бір бөлігі ата – аналардың өтініші бойынша құрылған кезекші сыныптар мектеп қабырғасында өтуі. Ал 5-11 сыныптарда сынып сағаттары қашықтықтан жүргізілді. Сынып сағаттары Білім және ғылым министрлігінің ұсынумен берілген «Абай Құнанбаевқа 175 жыл», «Әбу Насыр әль Фараби -1150 жаста» және «Қазақстан Респубикасы Коститцуиясына -25 жыл» атты тақырыптар аясында өрбіді. Сынып сағаттары мектеп директоры С. Қ. Елеукинаның бейне құттықтауымен басталды. Сынып жетекшілер іс – шараларын барынша қызықты әрі тартымды өткізу үшін тақырыптар бойынша алдын ала таныстырылым дайындады, оқушылардың өздеріне ізденуге тапсырмалар берді. Бүгінгі елдегі карантин жағдайына байланысты сынып сағаттары қашықтықтан синхронды түрде Zoom конфереция қосымшасы арқылы жүргізілді. Абай Құнанбаевқа арналған сынып сағаттарында оқушылар мұғалімдер көмегімен ақынның бүгінде өзектілігін жоғалтпаған өлеңдерінің мағынасын талқылап, танысты. Әбу Насыр әль Фарабиға арналған сынып сағатында оқушылар ғұламаның өмірбаяны және еңбектерімен танысты. Ғалым еңбектерінің қазіргі замандағы құндылығын танып білді. Конституцияның 25 жылдығына арналған сынып сағаттарда оқушылар азаматтардың құқықтары мен міндеттерімен танысты. Мұғалімдер Ата заңның қоғамдағы рөлі мен маңызын жете жеткізуге тырысты.
