27-қаңтар күні мектебімізде мемлекет пен қоғамның өзара іс-қимылын күшейту, оқушылардың құқықтық сауаттылығын арттыру және 9-сыныптарға кәсіби бағдар беру мақсатында құқық қорғау саласында ұзақ жылдар қызмет атқарған, ішкі істер ардагері Кенжеболат Арғынұлы Бейсембаевпен кездесу өтті. Кездесуге 9 «Ә», «Б» сыныптары қатысып, еркін түрде келген қонақпен сұрақ-жауап, диалог түрінде әңгіме өткізді. Кенжеболат Арғынұлы бұл салаға қалай келгені, сала маманы болу үшін оның бойында қандай қасиеттер болу керек, қарапайым азаматтардың құқығының бұзылуы және қорғалуы сияқты бірқатар тақырыптарда сөз қозғады. Кәсіби бағдар мақсатына келетін болсақ, 9-сыныптар негізгі орта білім бітірушілер ретінде алдағы уақытта мамандық таңдауда сұрақтарға жауап алды. -«Құқық қорғаушы болу, полицияда жұмыс істеу – үлкен жауапкершілікті талап етеді» - деп, Кенжеболат Арғынұлы оқушыларға кеңес, тілектерін айтты.
