Мектеп - келешек ел басқарар, жер басқарар, елі мен халқын гүлдентер, мерейін өсіріп, мәртебесін биіктетер жасампаз жандарды тәрбиелейтін киелі де, қасиетті ұя. Ал сол мектептің негізгі тірегі – білімді де білікті ұстаз. Қазақ елінің келешегі, бүгіні мен ертеңі, алдымызда тәрбиелеп отырған жас ұрпақ екені сөзсіз.
«Парасат» мектеп – лицейінің өрендері білім дәрежелерін сынап, жалпы білім беретін пәндер бойынша облыстық олимпиадасына қатысып, оқушыларымыз жүлделі орынға ие болды. Жаратылыстану бағыттары бойынша биология пәнінен 10 сынып оқушысы Амангелді Айым І орын, жетекшісі биология пәнінің мұғалімі Мукашева Гульжанат Даулетовна. Математика пәнінен 9 сынып оқушысы Дауренбек Жігер ІІІ орын, жетекшісі математика пәні мұғалімі Темиргалиева Гульсара Сергазовна. Қоғамдық - гуманитарлық бағыт бойынша ағылшын пәнінен 9 сынып оқушылары Серикпаева Тогжан ІІІ орын және Айтымов Сайдалы алғыс хатқа ие болды. Жетекшісі ағылшын пәні мұғалімі Бекболатова Бейнегуль Ермековна. Қазіргі заман талабына сай әр баланың қабілетіне қарай дарындылығын дамыту, білім бәйгесінде, дүбірлі жарыстарда жүзден жүйрік, мыңнан тұлпар шәкірт шығару – ұстаздардың ерен еңбегінің жемісі.
