Мектебімізде желтоқсан айының 27-нен 28 - ы аралығында дәстүрлі Жаңа жылдық шырша тойы 9 кезеңде өтті. Аяз Ата, Ақшақар, ертегілер елінен келген кейіпкерлер кең залды думанға бөледі. Жаңа жыл мерекесі, әсіресе, сағына күткен балалар үшін үлкен қуаныш болды. Ертеңгілікке балалар түрлі түсті жаңа жылдық киімдерде келді. Барлық балаларға тәтті сыйлықтар берілді. Балаларын қызықтаған ата - аналар ойын ойнап, билеп, көңілдерін көтерді. Барлық өтілген жаңа жылдық кеш қызылды - жасылды шамдары жарқыраған, әдемі безендірілген шыршаның маңы тамашаға толы болды. Ақшақар мен Аяз Атаны, жаңа жыл - доңыз жылын қошеметпен қарсы алып, ескі жыл ит жылын өздерінің алғыстарын айтып, шығарып салды. Оқушылар билерін билеп, тамашалар қойып, думанды мерекенің ажарын ашты. Таңғажайып мерекеміздің сәнін келтірген ата – аналар, ұстаздар мен оқушыларға алғысымыз шексіз.
