23.11.18ж күні «Парасат» мектеп- лицейінің 7 сынып оқушылары қаладағы өлкетану мұражайына саяхат жасады.
23.11.18ж күні «Парасат» мектеп- лицейінің 7 сынып оқушылары қаладағы өлкетану мұражайына саяхат жасады. Олар өлкетану мұражайындағы залдарды тамашалау барысында көптеген мәліметтерге қанықты. Ежелгі дәуірлерден біздің заманымызға дейінгі әртүрлі тарихи кезеңдерге бөлінген 12 залмен танысты. Мұражайдағы басты орынды тәуелсіздік жылдарындағы Қазақстанның дамуын көрсететін экспозициялар алады. Бұл кезеңге 4 зал ұйымдастырылған. Оқушылар Тұңғыш Президент мұражай залында болды. Залдағы бірегей экспонаттардың арасында Н.Назарбаевтың шежіресі, Мемлекет басшысының еңбектері, жергілікті суретші А.Шимов салған Президент портреті бар. Оқушылар мұражайдан көп әсер алып, мектепке қуанышты оралды.
