Н.Ә. Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты Қазақстан халқына Жолдауындағы балалардың үнемі өзгерістерге бейім болуы мен жаңа білімді меңгеру қабілетін дамытуды басым бағыты ретінде айқындалуы өзекті болды. Осыған орай, педагогтердің кәсіби шеберліктерін шыңдау мақсатында, қарашаның он тоғызы күні «Өрлеу» БАҰО» АҚ « СҚО ПҚ БАИ» филиалының ұйымдастыруымен «Жүзден жүйрік» байқауы өтті. Бұл байқаудың мақсаты-қазақ тілі мен әдебиеті пәні мұғалімдерінің кәсіби шеберліктерін шыңдау және білім беру мазмұнын жаңарту жүйесін жүзеге асыру еді. Байқау екі кезеңнен өтті. Бұл сайысқа мектебіміздің қазақ тілі мен әдебиеті пәні мұғалімі Құлатаева Анар Жақсылыққызы қатысып, шабытының тұлпары сүрінбей, бәйгеден озып шығып, жүлделі 1 орынға ие болды. Әріптесімізді шын жүректен құттықтаймыз!!!
