Мамыр айының 23-жұлдызында «Болашаққа бағдар: рухани жаңғыру» бағдарламасының «Туған жер»» бағыты аясында «Парасат» мектеп-лицейі шаңырағы астында Петерфельд орта мектебі тарихи-өлкетану мұражайының жылжымалы көрмесі өтті. Бұл жылжымалы көрмені ұйымдастырушы аудандық оқу бөлімі. Мұражай жетекшісі Елена Иосифовна Шнайдермен сұхбат кезінде біз мынадай акпараттарға қанық болдық. Мұражайдың тарихы 1990 жылдың 18-наурызынан бастау алады екен. Арине ашыла сала бар жәдігерлер толып кеткен жоқ екен. Ол үшін тер төккен адамдар көп солардың бірегейі Валентина Васильевна Белоус. Зейнет жасына шықса да, еш жалақы алмаса да ол кісі өз ісін тоқтатпапты, мектеп ұжымы мен оқушыларды ұйымдастырудан бір тынбапты.
Мұражайды 12 бөлім және 2000 нан аса жәдігерлер Петерфель ауылының тарихынан сырт шертетіні сайрап тұр. Осыдан екі ғасыр бұрынғы қарапайым жұмысшы, шаруа адамдарының қолданған заттарын көріп олардың қажырлы еңбегін бағалауға болады. Сол жәдігерлердің бізге аз ғана бөлігі таныстырылса да оны біздің мектеп оқушылары шын көңілдерімен тамашалап көруге асықты. Біздің танымдық мұражайдың тарихы жас, бірақ мектеп оқушыларының өз елінің өткеніне, тарихына деген қызығушылықтары зор. Сондықтан да бұл ұйымдастырылып отырған жылжымалы көрмелердің маңызы зор, берері мол. Атап айтқандай, тарихты оқулықтан ғана оқып үйрену жеткіліксіз, ал өз көздерімен көріп, қолдарымен ұстап, саналарынан өткізсе, міне, сонда ғана өскелең ұрпақ нағыз өз отан тарихын, туған ел-жер тарихын біле алады, сүйіп өседі.
