2018 жылы 16 мамыр күні «Парасат» мектеп-лицейінде Ысқақова Манап Қабдошқызын еске алу кеші өтті. Манап апай 1930 жылы Солтүстік Қазақстан облысының Ленин ауданындығы Қарағаш ауылында дүниеге келген.
Кеште бүкіл өмірін шәкірт оқытып, тәрбиелеуге арналған, Қазақ ССР оқу ағарту үздігі деген құрметті атаққа ие болған Манап Ысқақованы туған-туыстары, жолдастары мен әріптестері жылы сөзбен еске алды. Оқушылар Манап Қабдошқызының өмір деп көрген-білгендерін жыр жолдарына түсіріп, туған жер, ұлттық салт-дәстүр жайын ерекше тебіреніспен толғаған, қазақ халқының көне күндерден келе жатқан адамгершілік, имандылық және инбаттылық туралы Манап Ысқақованың жүрек жарды туындыларын даярлық тобының балаларынан бастап ұстаздарға дейін мәнерлеп оқыды. Оқушылар өлеңдерін сезіммен айтты.
«Парасат» мектеп-лицейінде Ысқақова Манап Қабдошқызын еске алу кеші өте жоғары деңгейде өтті. Манап апайды еске алу кешіне жұбайы, балалары, немерелері және әріптес болған, жолдас болған сыйлы қонақтар келді. Келген қонақтар іс-шараға оң бағасын беріп, ризашылықтарын айтып, баталарын беріп кетті.
Жаңалықты мекеменің сайтында қарау
