«Парасат» мектеп – лицейі КММ Наурыз мейрамына арналған іс-шараларды өткізу туралы ақпарат
Наурыз – жыл басы! Шығыс күнтізбесі бойынша Жаңа жылдың басталғандығын білдіреді. Бұл мереке - ұлтымыздың салт-дәстүрі мен әдеп-ғұрпының ажырамас бөлігіне айналған мейрамның бірі. Осынау көктен көпке шапағат төгілетін Ұлыстың ұлы күнін Бескөл ауылындағы «Парасат» мектеп - лицейінің бүлдіршіндері ерекше ықыласпен қарсы алды. 19 -20 наурыз 2018 жылы лицейімізде Наурыз мейрамына арналған іс-шаралар өткізілді. Жұмыстың мақсаты оқушыларға мейрамның қалай шыққанымен және қазақ халқының салт-дәстүрлері мен Наурыздың рәміздерімен таныстыру болды. Мектепалды даярлық тобының бүлдіршіндері мен шағын орталық бүлдіршіндері арасында ата – аналардың қатысуымен ұлттық нақышта концерттік бағдарлама өтті. Нәтижесі таңдай қақтырарлық. Мектебіміздің ата –аналары мерекелік дастарханын жайып, келген қонақтарды астан дәм татқызды. Қазақтың баласының тұсауын кесу, бесікке салу рәсімін көрсетіп, ән-шашу шашты.наурыз дастарханы жасалды. Әр паралель сыныптар «Қош келдің, әз Наурыз» атты ашық тәрбие сағаттары ұйымдастырып, оны салт-дәстүрмен өрнектеді. Барлық сыныптар белсенді қатысып, өз өнерлерін көрсетіп, ұлттық киімдерін киіп келді. Сонымен қатар мектепте қазақ халқының ұлттық ойындары ойнады. Мектептегі сыныптан тыс іс-шаралар өте қызықты өтті. Балалар тек мейрам туралы ғана айтып қойған жоқ, барша азаматқа жақсылық пен көктей көгеріп-өсе беруді тіледі. Мектеп директоры Елеукина Сағат Құрманғалиқызы Наурыз мерекесімен құттықтап, өткізуге өз үлестерін қосқан ата-аналар мен ұстаздарға, мектеп бүлдіршіндеріне зор алғысын білдірді.
