Мектебімізде желтоқсан айының 25-нен 28 - ы аралығында дәстүрлі Жаңа жылдық шырша тойы 4 кезеңде тойланып өтті. Жаңа жыл мерекесі, әсіресе, сағына күткен балалар үшін үлкен қуаныш. 25-27-і күндері «Ғажайыпқа толы жаңа жыл!» тақырыбында өткен бастауыш сыныптар шыршасы өте қызықты өтті. Ертеңгілікке балалар түрлі түсті жаңа жылдық киімдерде келді. Сценарий бойынша балалар шыршаны айналып ән айтып, ойындар ойнады, өлеңдер мен тақпақтар айтты және Ақшақар мен Аяз Атаны ортаға алып би биледі. Барлық балаларға тәтті сыйлықтар берілді. Балаларын қызықтаған ата - аналар ойын ойнап, билеп, көңілдерін көтерді. 26-27-і күндері 5,6,7,8 -сыныптар аралығында өтілген жаңа жылдық кеш қызылды - жасылды шамдары жарқыраған, әдемі безендірілген шыршаның маңында қызықты өтті. Ақшақар мен Аяз Атаны , жаңа жыл - Ит жылын қошеметпен қарсы алып, ескі жыл Тауық жылын өздерінің алғыстарын айтып, шығарып салды. Оқушылар билерін билеп, тамашалар қойып, думанды мерекенің ажарын ашты.
25- ы күні сағат 10.00 -де мектепалды даярлық сыныбы балдырғандарға арналған жаңа жылдық ертеңгілік тойланып өтті. Кішкентай балдырғандар Аяз Ата мен Ақшақарды ерекше ықыласпен қарсы алды. Мерекенің бас кейіпкерлері болып Фея, Аю мен Маша, Спанч боб, Жұлдызша, Мыстан кемпір т.б.ойнап, бүлдіршіндерді Жаңа жылмен құттықтап, жылы лебіздерін білдірді. Бұдан соң балалар бір-бірінің қолдарын ұстап, шыршаны айналып ән салды, әуен ырғағымен би биледі. Бұдан кейін көңілді топ Жаңа жыл «иесі» – Итті қошеметпен қарсы алып, Тауық жылын шығарып салды. Мектеп директоры Елеукина Сағат Құрманғалиқызы балалар мен ата – аналарға өз құттықтауын айтты. Аяз Ата, Ақшақар, ертегілер елінен келген кейіпкерлер кең залды думанға бөледі.
