Елбасының «Болашаққа бағдар – рухани жаңғыру» мақаласының басты мақсаты әлемдегі ең дамыған 30 елдің қатарына қосылу. Мақсатқа жету үшін санамыз ісімізден озық жүріп, жаңғырып отыру тиіс. Қоғамдық сана жаңғыртудың негізгі қағидаларын қалыптастырып ғана қоймай, заман сынағына лайықты нақты жобаларды жүзеге асыруды талап етеді.Осы талапқа сай біздің мектебіміз Елбасымыздың «Болашаққа бағдар – рухани жаңғыру» мақаласының барлық бөлімдерін қамти отыра үнемі іс шаралар ұйымдастырып отырады. Осыған байланысты кестеге сәйкес 19 қазан күні «Парасат» мектеп – лицейінде «Қарт және мүгедек жандарды қолдау» айлығы негізінде Рухани жаңғырудың «Рухани қазына» үшінші бөлімінің «Өнегелі құндылықтар» бағытын жүзеге асыру аясында Қызылжар ауданының мүгедек балаларына арнап мерекелік кеш пен тәтті шай ұйымдастырылды. Мектебімізге Бескөл ауылы мен Бәйтерек ауылынан барлығы 9 мүгедек балалар ата – аналарымен қатысты. Мерекелік концертте мектеп оқушылары мен мұғалімдерді би билеп, ән салып балалардың көңілін көтерді. Мерекеде мультфильм кейіпкерлері балалармен әр түрлі ойындар ойнап, жұмбақтар жасырды. Мүмкіндігі шектеулі барлық балалар мен олардың ата – аналарына мектебіміздің ұстаздары мен ата-аналары қайырымдылық көрсетіп мерекелік шай ұйымдастырды. Балаларға азын-аулақ сыйлықтар да берілді.
Жаңалықты мекеменің сайтында қарау
