«Ұстаз – ұлы есім»
Ұстаз!!! Осы бір есім бәріміздің жүрегімізден жылы орын тапқан есім. Өйткені ұстаздың алдынан өтпейтін жан жоқ. Ғалым да, шахтер де бас иетін, ұстазым бар асыл қасиеттің»- деген өлең жолдары да ұстаздың бар қасиетін айтқандай. Қазанның алғашқы жексенбісі тойланатын ұстаздардың кәсіби мерекесін «Парасат» мектеп-лицейінің педагогикалық ұжымы да өз деңгейінде атап өтті. Ұстаздар мерекесіне арналған «Ұстаз-ұлы есім» атты мерекелік салтанатты жиынында мектеп директоры Сағат Құрманғалиқызы Елеукина ашып, ұстаздарды төл мерекесімен құттықтады. Елеукина Сағат Құрманғалиқызы, Омарова Шарида Хафизовна, Искакова Светлана Кожаевна, Қазбекова Айгүл Қабидоллаевна, Аяпбергенова Асем Сайрановна, Есматова Аймангүл Қинаятқызы, Темірғалиева Гүлсара Серғазықызы, Каражанова Бақыт Төлеуқызы Қазақстан Республикасының білім және мәдениет саласындағы үздік қызметкерлері «Алтын кітап» энциклопедиясына жинақтары енгізілді. Мерекелік шарадағы оқушылар шығармашылығымен ұйымдастырылған бейнефильмінен ұстаздар қауымына деген шәкірттерінің сүйіспеншілік пен ризашылықтарын байқауға болатындай. Бастауыш буын оқушыларынан құрылған хор өте сәтті орындалды. Сонымен қатар күйшілердің күмбірлеген күміс күйлері, әншілердің салған әсем әндері, бишілердің мың бұралған билері, түрлі көріністер бірін-бірі жалғастырып жатты. Мерекелік шара «Ұстазға мың тағзым» атты өлеңімен шымылдығын жапты. Ұстаздарға ұмытылмайтын кеш болғанын олардың қуанышты жүздерінен аңғарғандай болдық.
Жаңалықты мекеменің сайтында қарау
