Кітап – рухани қазына
Аймангүл Есматова жылда өз оқушыларымен балалар кітапханасына саяхат жасауды дәстүрге айналдырған. Осы жылғы даярлық тобының оқушыларын да Аймангүл Қинаятқызы арнайы кітаптар патшалығы шарасына қатыстырды. Кітапхана ұжымы балаларды құшақ жая қарсы алды. Олар кітапхананаың абонемент, оқу залы, ойын аумағы, кітаптармен танысты. Кітапханашы апайлар балаларға кітаптың қасиеті мен пайдасы, оның жасалуы мен тарихы жайлы айтып берді. Балалар кітапханасының драма үйірмесінің мүшелері даярлаған «Кітапты жасауға қанша еңбек кетті екен» шағын қойылымын, «Айгүлдің кітапханаға келуі» қуыршақтар қойылымын тамашалады. Кітапханашы апай Т.Дауренбековтың «Кітаптар мұңы» әңгімесін оқып берді. Балалар кітап, оқулықтарды қалай дұрыс ұстау керектігі жайлы білді. Балаларға «Кітаптар ережесі» жаднамасы таратылды. Ойын залында балалар серпіліп ойындар ойнап, жұмбақтар шешті. «Кітаптар патшалығы» көрмесіне шолу жасалды. Бүлдіршіндер кітапханаға оқырман болып жазылып, өздеріне ұнаған кітаптарын таңдап алды.
Жаңалықты мекеменің сайтында қарау
