Наурыз мерекесіне арналған іс шаралар есебі
2017 жылы 16-17 наурыз аралығында «Парасат» мектеп-лицей шаңырағында «Ұлыстың ұлы күні – әз-Наурыз» деген тақырыппен наурыз мерекесі өтті.
Наурыз мейрамы ауыл-ауыл болып тойланды. Бұл той әр ауылда Қыдыр ата аралап, тілек тіледі. Лицейіміздің ең кішкентай бүлдіршіндерінен бастап барлық сыныптар мен ұстаздар қауымы және ата-аналар қамтылды. Бірінші сынып оқушылары ауылымыздың, Бескөл орта мектеп гимназиясы және №2 Бескөл орта мектеп оқушыларын наурыз мерекесін бірге тойлауға шақырды. Әр ауылда өз атаулары, киімдері және қазақтың ұлттық дастарханы жайылды сонымен қатар мерекеде ұлттық мән мағына беретін салт-дәстүрлер көрсетіліп, заман талабына сай концерт қойылды. Тойда ет асылып, наурыз көже пісірілді.
Наурыз мерекесін тойлауға мектебімізге ата-аналар мен ауылымыздың сыйлы адамдары келді, атап өтсек қазақ мектебінің тұңғыш директоры Темірхан Омарұлы Ибраев, имам Қадырбек Қуанышұлы Шарипов, аудандық маслихат депутаты Сермұхамед Оралұлы Ахмутдинов, аудандық білім бөлімінің әдіскері Еркежан Бариқызы Калдаманова, ата-аналар комитетінің төрағасы Болат Жамбылұлы Сартаев, мектеп бастауларын әрқашанда қолдап жүретін атамыз Аскербек Смағұлұлы Смагулов, Баяхмет Ныгметжанұлы Жамалиев, апаларымыз Ботагоз Жагипаровна Галеева және Сагила Маженовна Кусаинова. Мерекелік іс шараға келген қонақтар жоғары бағаларын беріп, разы болды. Іс - шара соңында ауыл ақсақалдары батасын берді.Келген қонақтарды мектеп директоры Сағат Құрманғалиқызы Елеукина наурыз мейрамымен құттықтап, ризашылығын білдірді.
Жаңалықты мекеменің сайтында қарау
